«Ուժեղ Հայաստան» կուսակցության խորհրդի անդամ Նարեկ Կարապետյանը լրագրողների հետ հանդիպման ժամանակ անդրադարձավ Հայաստանի էլեկտրատարածման ցանցերի (ՀԷՑ) հարցին և կառավարության կողմից առաջարկվող հնարավոր գործարքին։
Նա նշեց, որ կուսակցությունը չի մեկնաբանում այդպիսի տեղեկություններ, քանի որ ՀԷՑ-ը և այլ նմանատիպ կառույցները ներկայիս իրենց առաջնահերթությունների ցանկում երրորդական են։ «Մեր հիմնական նպատակը մեր հայրենիքում ծավալված փոփոխությունների իրագործումն է։ Իսկ թե ինչ ապօրինություններ կարող են կատարվել, մենք չենք ցանկանում քննարկել», — ասաց Նարեկ Կարապետյանը։
Նա նաև հավելեց, որ ցավալի է, երբ ներդրողներին համոզելը դառնում է դժվար, քանի որ նրանք ցանկանում են տեսնել երկիրը, որը հարգում է անձնական սեփականության իրավունքը։
Կարապետյանը անդրադարձավ նաև այն հարցին, թե արդյոք ՀԷՑ-ի հավելագրումների հարցը չի հակասում նրանց կողմից հայտարարված «կուշտ ենք ու հարուստ ենք» կերպարին։ Նրա խոսքով՝ իրենց կառավարման օրոք ՀԷՑ-ի հաշվիչների 70 տոկոսը փոխվել է, իսկ մնացած 30 տոկոսը պետք է փոխվի՝ համակարգը ապահովելու համար։ «Հավելագրումների կորուստը մեր կառավարման ժամանակ մոտ 40 միլիոն դոլար տարեկան հետ ենք տվել սակագնին, կորուստը զգալիորեն իջեցրել ենք։ Սա չէ՞ ձեր ասած հագեցած լինելու գրավականը։ Սամվել Կարապետյանը 10 տարվա ընթացքում, համեստ հաշվարկներով, 200 միլիոն դոլար սակագնին է վերադարձրել կորստի նվազեցման հաշվին», — պնդեց նա՝ ընդգծելով, որ նման հավելագրումներ կատարողներին պետք է խստորեն պատժվեն։ Նրա խոսքով՝ ներկայումս հավելումների «չեմպիոնները» այլ կառավարիչներ են։
