Այսօր ԱՄՆ նախագահ Դոնալդ Թրամփը հայտնել է, որ ԱՄՆ ռազմածովային ուժերը Օմանի ծոցում կալանել են իրանական դրոշով TOUSKA բեռնատար նավը։
Ըստ նախագահի՝ միջադեպը տեղի է ունեցել այսօր։ Նա նշել է, որ նավը, որի երկարությունը գրեթե 900 ֆուտ է, փորձել է ճեղքել ԱՄՆ-ի ծովային շրջափակումը։
«ԱՄՆ ռազմածովային ուժերի USS SPRUANCE հրթիռային էսմինեցն Օմանի ծոցում որսացել է TOUSKA նավը և ազնվորեն զգուշացրել կանգնել։ Իրանական անձնակազմը հրաժարվել է լսել, ուստի մեր ռազմանավը կանգնեցրել է նրանց հենց տեղում՝ անցք բացելով մեքենայական բաժանմունքում։ Ներկայումս նավը գտնվում է ԱՄՆ ծովային հետևակի հսկողության տակ»,- գրել է Թրամփը իր Truth Social սոցիալական ցանցում։
Նախագահը նաև հավելել է, որ ԱՄՆ ֆինանսների նախարարությունը նախկինում պատժամիջոցներ էր սահմանել TOUSKA նավի նկատմամբ՝ նրա նախկին անօրինական գործունեության պատճառով։
«Մենք լիովին վերահսկում ենք նավը և տեսնում ենք, թե ինչ կա տախտակամածին»,- եզրափակել է նա։
