Հայաստանում սպասվում է անձրև և ամպրոպ

Հայաստանի տարածքում սպասվում է անկայուն եղանակ։ Ապրիլի 20-21-ի ընթացքում, ինչպես նաև 22-ի գիշերը և 23-ի ցերեկը, շրջանների զգալի մասում կանխատեսվում է անձրև։ 20-21-ի ընթացքում, իսկ 22-ի գիշերն առանձին շրջաններում տեղումները կլինեն ինտենսիվ։

Ապրիլի 20-ին տեղումները կլինեն ինտենսիվ, իսկ ամպրոպի ժամանակ սպասվում է քամու ուժգնացում մինչև 15-18 մ/վ արագությամբ։

Ապրիլի 22-ի ցերեկը և 23-ի գիշերը սպասվում է առանց տեղումների եղանակ։

Ապրիլի 20-22-ին, ինչպես նաև 24-ին, լեռնային շրջաններում գիշերը և առավոտյան ժամերին տեղումները կլինեն թաց ձյան տեսքով։

Քամին` հարավարևմտյան` 2-5 մ/վ, ամպրոպի ժամանակ սպասվում է նաև քամու ուժգնացում 16-19 մ/վ արագությամբ։

Օդի ջերմաստիճանը ապրիլի 20-ի ցերեկը կնվազի 4-6 աստիճանով, իսկ ապրիլի 22-24-ի ընթացքում ցերեկային ժամերին աստիճանաբար կբարձրանա 2-4 աստիճանով։