«Լուսավոր Հայաստան» կուսակցության նախատեսված համագումարը, որը պետք է տեղի ունենար այսօր՝ ապրիլի 11-ին, հետաձգվել է։ Այն կկայանա հաջորդ շաբաթ՝ ապրիլի 18-ին։
Այս որոշումը կայացվել է այն պայմաններում, երբ այսօր «Ուժեղ Հայաստան» կուսակցությունը նույնպես հրավիրել է իր համագումարը։ «Լուսավոր Հայաստան» կուսակցության ղեկավար Էդմոն Մարուքյանի թիմի ներկայացուցիչները նշում են, որ համագումարի եւ կուսակցության մասին տեղեկատվությունը կարող է կորչել հանրության ուշադրության կենտրոնից՝ «Ուժեղ Հայաստան» կուսակցության համագումարի հետ կապված լուրերի ինֆորմացիոն աղմուկի պատճառով։
Հիշեցնենք, որ «Լուսավոր Հայաստան» կուսակցությունը հայտարարել է մասնակցելու հունիսի 7-ի խորհրդարանական ընտրություններին։ Թեև վերջերս հրապարակվել էին տեղեկություններ կուսակցությունում մասնակցելու եւ չմասնակցելու հարցով խորը տարաձայնությունների եւ ղեկավար կազմում միասնական դիրքորոշման բացակայության մասին, ներկայիս տեղեկությունների համաձայն՝ որոշումը, ամենայն հավանականությամբ, վերջնական է, եւ այն կհաստատվի հաջորդ շաբաթ կայանալիք համագումարի ընթացքում։
