Ավան և Նոր Նորք վարչական շրջանների ընդհանուր իրավասության դատարանում այս պահին ընթանում է «Ուժեղ Հայաստան» կուսակցության առաջնորդ Սամվել Կարապետյանի աջակիցների խափանման միջոցի հարցի քննությունը։
Ինչպես հայտնի է, ապրիլի 17-ին Հակակոռուպցիոն դատարանի մոտից բերման ենթարկվել էր 17 անձ։ Նրանցից 15-ի նկատմամբ, ըստ նախնական տեղեկությունների, տնային կալանքի միջնորդություն է ներկայացվել։ Իսկ երկու անձի՝ «Տաշիր պիցցա» ցանցի տնօրեն Վաղինակ Ղազարյանի և Մայիս Բաղումյանի նկատմամբ կալանքի միջնորդություն է կիրառվել։
Վաղինակ Ղազարյանը մեղադրվում է խուլիգանություն, իսկ Մասիս Բաղումյանը՝ ոստիկանին դիմադրելու և խուլիգանության համար։
«Ուժեղ Հայաստան» կուսակցությունը տեղի ունեցող իրադարձությունները որակում է որպես քաղաքական հետապնդում և իշխանությունների խուճապի դրսևորում։
