Իմ մարզային այցերի ընթացքում, յուրաքանչյուր կանգառում զգում եմ մարդկանց վստահությունն ու սպասումները։ Գյուղերում խնդիրները բազմաթիվ են, և հաճախ գյուղացին մնում է միայնակ իր հոգսերի հետ։
Մեր մոտեցումը հստակ է՝ մենք պետք է ապահովենք, որ գյուղը դառնա ոչ թե գոյատևման, այլ արժանապատիվ եկամուտի աղբյուր։ Գյուղացին մեր երկրի հենասյունն է, նա սահմանն է պահում, ստեղծում է բերք ու բարիք, կերակրում է ժողովրդին։ Գյուղի զարգացումն ու բարգավաճումն է երկրի ամրությունը, իսկ գյուղացու բարեկեցությունը՝ մեր առաջնահերթությունը։
Այս հարցում մենք պետք է աշխատենք համակարգված և համապարփակ։ Պետք է ստեղծել նպաստավոր պայմաններ՝ գյուղատնտեսական արտադրության աճի, մշակութային և բնական զբոսաշրջության զարգացման, ինչպես նաև գյուղական համայնքներում բարձր տեխնոլոգիական և մշակութային արտադրությունների ստեղծման համար։
Մենք պետք է ապահովենք գյուղացիների համար ոչ միայն ֆինանսական, այլև տեխնիկական, կրթական և մասնագիտական աջակցություն։ Պետք է ապահովենք նրանց մոտեցումը ժամանակակից տեխնոլոգիաներին, ֆինանսական ծառայություններին և շուկաներին։
Այսպիսով, մենք կարող ենք ոչ միայն կանխել գյուղից քաղաք դեպի գաղթը, այլև ստեղծել նոր հնարավորություններ՝ գյուղերին վերածելով երկրի զարգացման և բարգավաճման կենտրոնների։
