Այսօր ես կանդրադառնամ Հայաստանում ադրբեջանցիների բնակեցման հակահայկական սխեմայի վերաբերյալ, որը, իմ կարծիքով, Փաշինյանի և նրա թիմի կողմից ակտիվորեն իրականացվում է։
Սխեմայի հիմքում ընկած է ինքնիշխան Հայաստանի տարածքների հանձնումը Ադրբեջանին՝ դրանք ներկայացնելով որպես «ադրբայջանական անկլավներ»։ Երբ այս տարածքները դե-յուրե դառնան Ադրբեջանի մաս, Ադրբեջանը կունենա լիակատար իրավունք՝ դրանցում անելու այն ամենը, ինչ իրեն հարմար է։
Այս պարագայում Փաշինյանի հիմնական «ֆոկուսը» կլինի հայտարարել, որ ինքը կատարել է իր խոստումը՝ ադրբեջանցիներին չբնակեցնելու մասին։ Քանի որ ադրբեջանցիները բնակվելու են այն տարածքներում, որոնք դե-յուրե կլինեն Ադրբեջանի մաս, Փաշինյանը կկարողանա պնդել, որ նրանք բնակվում են Ադրբեջանի տարածքում, իսկ ոչ՝ Հայաստանում։
Սակայն սա միայն առաջին փուլն է։ Ադրբեջանը, իր հերթին, կսկսի իր ցեղակիցների բնակեցումը «Արևմտյան Ադրբեջան» կոնցեպտի ներքո։ Երբ այս ամենը կիրականացվի, Ալիևի համար, Փաշինյանի թիմի օգնությամբ, շատ ավելի հեշտ կլինի իրականացնել հարյուր հազարավոր ադրբեջանցիների բնակեցումը Հայաստանի բուն տարածքում։
Այսպիսով, Փաշինյանի «ֆոկուսՉիկների» հակահայկական քայլի իսկական նպատակը ոչ թե ադրբեջանցիներին Հայաստանում բնակեցնելը կանխելն է, այլ հակառակը՝ ստեղծելու նախադրյալներն ու իրավական պատճառաբանությունը դրա համար՝ աստիճանաբար, բայց անխուսափելիորեն։
