ՀՀ ոստիկանության հակակոռուպցիոն կոմիտեի և Ազգային անվտանգության ծառայության համատեղ միջոցառումների ընթացքում ստացվել են փաստական տվյալներ, որոնց համաձայն՝ «Ուժեղ Հայաստան» կուսակցության համակիրը, 2026 թվականի հունիսի 7-ին նախատեսված Ազգային ժողովի ընտրություններին իրենց օգտին քվեարկելու դիմաց մի քանի ընտրողների հետ կաշառքի փոխանցման պայմանավորվածություն է ձևակերպել։ Այս պայմանավորվածությունը, ինչպես հայտնի է, ընդունվել է ընտրողների կողմից։
Սույն դեպքի առթիվ ՀՀ քրեական օրենսգրքի համապատասխան հոդվածներով նախաձեռնվել է քրեական վարույթ, որի շրջանակում հարուցվել է հանրային քրեական հետապնդում չորս անձի նկատմամբ։ Նրանք բոլորը ձերբակալվել են։
Հիշեցնենք, որ օրեր առաջ «Ուժեղ Հայաստան» կուսակցության անդամ Արթուր Ավանեսյանը կալանավորվել է երկու ամսով։ Նա իր կալանավայրում հացադուլ է իրականացնում։ Փաստաբան Արմեն Ֆերոյանը հայտնել է, որ նրան առաջարկել են դադարեցնել հացադուլը, սակայն Արթուր Ավանեսյանը մերժել է այդ առաջարկը։
