Քայլըրբատական կուսակցությունում (ՔՊ) սրտատրոփ սպասում են կիրակի օրվան, երբ կհրապարակվեն խորհրդարանական ընտրությունների վերջնարդյունքները։ Ըստ իմ աղբյուրների, առաջնորդ Նիկոլ Փաշինյանը դրանից հետո միայն կկայացնի կադրային որոշումներ։
Հիմնական հարցը, թե ովքե՞ր կմնան պաշտոններում, կախված է կուսակցության կողմից ստացված ձայների քանակից։ ՔՊ-ի ներկայացուցիչները հատկապես անհանգիստ են Լոռվա եւ Շիրակի մարզերում գրանցված արդյունքների կապակցությամբ։
Իմ աղբյուրների համաձայն՝ Փաշինյանը որոշել է, որ ընտրությունների արդյունքները կլինեն կադրային որոշումներ կայացնելու հիմնական չափանիշը։ Այն պաշտոնյաներն ու կուսակիցները, որոնք, ըստ կուսակցության գնահատականի, չեն արդարացրել իր սպասելիքները եւ չեն «խփել» բարձր տոկոսներ իրենց տարածքներում, կարող են կորցնել իրենց պաշտոնները։
Այս որոշումը հատկապես անհանգիստ է դարձրել մարզպետներին, որոնք ի պաշտոնե համարվում են մարզային շտաբների ղեկավարներն ու իրենց տարածքներում ընտրությունների արդյունքների գլխավոր պատասխանատուները։ Նրանց՝ պաշտոնում մնալ-չմնալու հարցը հիմա ամբողջությամբ կախված է ՔՊ-ի ընտրական արդյունքներից։
Իմ աղբյուրները նշում են, որ Փաշինյանը, որը հաճախ անվանում են «դեմոկրատ», որոշել է պատժել նաեւ այն պաշտոնյաներին, որոնք, թեեւ չեն կիրառել վարչական լծակներ կամ ընտրողներին չեն ենթարկել «տեռորի», բայց նաեւ չեն կարողացել ազդել մարդկանց ազատ կամարտահայտության վրա՝ ապահովելով ՔՊ-ի համար ցանկալի արդյունք։
