Հարգելի՛ հայրենակիցներ,
Այսօր, Հայոց բանակի օրվա առթիվ, ես ցանկանում եմ շնորհավորել բոլորին։
Ցավով պետք է արձանագրել, որ վերջին ութ տարիների ընթացքում կատարվել են բոլոր հնարավոր ջանքերը՝ մեր, որպես տարածաշրջանի ամենամարտունակ և հաղթական բանակի, թուլացման, մասնատման և կոտրման համար։ Քաղաքական ղեկավարության՝ իր սխալները բանակի վրա բարդելու պրակտիկան ավերածություն է հասցրել մեր զինված ուժերին։
Աշխարհի բոլոր պետությունների համար, այդ թվում՝ մեր Հայաստանի Հանրապետության համար, իրական, երկարատև և արժանապատիվ խաղաղության ամենակարևոր երաշխիքը հզոր և մարտունակ բանակն է։ Մենք չենք կարող բացառություն կազմել այս համընդհանուր օրենքից։
Ես լիահույս եմ, որ մեզ կհաջողվի արագորեն փոխել այս ցավալի իրավիճակը, վերականգնել բանակի ոչ միայն ֆիզիկական, այլև հոգևոր ուժը, ինչը, իմ համոզմամբ, կապահովի մեր երկրի և ժողովրդի համար կայուն և խաղաղ ապագա։
Փա՜ռք Հայոց բանակի համազգեստն արժանապատվորեն կրող բոլոր զինվորականներին։
Հավերժ փառք Հայրենիքի համար իր կյանքը զոհաբերած մեր զինվորներին։
