Երեկ տեղեկություն ստացվեց, որ Գորիս քաղաքում տեղի ունեցած միջադեպի հետևանքով նռնակի պայթյունից վիրավորում ստացած անձը Գորիսի քաղաքապետ Առուշ Առուշանյանի վարորդի՝ Արենի հետ մտերմիկ հարաբերություն ունեցող Արսեն Երեմյանն է։
Դեպքի հիմքում ընկերական հարաբերությունների ֆոնին առաջացած կենցաղային վեճն է։ Ըստ տեղեկությունների՝ Գորիսի քաղաքապետի վարորդ Արենը և նրա ազգական Վարուժան Յոլյանը տարիներ շարունակ կոնֆլիկտային հարաբերություններ են ունեցել՝ կապված ազգականներից մեկին պատկանող պապական առանձնատունը կիսելու հարցով։ Այս հարցը նույնիսկ հասել է դատարան, սակայն կողմերի միջև լարվածությունը այնքան է խորացել, որ միջադեպի ժամանակ բռնկվել է կռիվ, որի ընթացքում նռնակ է նետվել։
Այս միջադեպի հետևանքով զոհվել են երկու մարդ։ Զոհերի թվում են Գորիսի քաղաքապետի վարորդը՝ Արենը, և նրա ազգական Վարուժան Յոլյանը։ Դեպքի հետևանքով վիրավորում է ստացել նաև մեկ այլ անձ՝ Արսեն Երեմյանը։
Ներքին գործերի նախարարությունը հաստատել է, որ Գորիսում տեղի ունեցած պայթյունի հետևանքով կա երկու զոհ և մեկ վիրավոր։ Դեպքի առթիվ նախաձեռնվել է քրեական վարույթ՝ Քրեական օրենսգրքի 155-րդ հոդվածի (սպանություն), 44-155-րդ հոդվածի (սպանության փորձ) և 335-րդ հոդվածի (ապօրինի շրջանառություն) հատկանիշներով։
