Արարատի ցեմենտի գործարանի հնարավոր պետականացման վերաբերյալ վարչապետ Նիկոլ Փաշինյանի հայտարարությանը ԲՀԿ-ի առաջնորդ Գագիկ Ծառուկյանը արձագանքել է Մեղրիում կայացած հանդիպման ընթացքում։
Նա նշել է, որ նման քննարկումների մասին տեղեկացված է եղել դեռևս նախապես և իր դիրքորոշումը հայտնել է համապատասխան շրջանակներին։ Ըստ Գագիկ Ծառուկյանի՝ նա երբեք չի համաձայնի հայրենիքի հետ կապված որևէ արժեք փոխել նյութական շահի դիմաց։
«Ասել եմ՝ կյանքում չեմ կարող իմ հայրենիքը փոխել ունեցվածքի հետ։ Օրինական է, առել ենք, ամեն ինչն էլ իր տեղում է, 25 տարի անցել է, նոր են հիշե՞լ։ Հարկերն էլ տալիս ենք»,- նշել է նա։
Գործարանը, ըստ Գագիկ Ծառուկյանի, ձեռք է բերվել օրինական ճանապարհով և երկար տարիներ գործում է սահմանված կարգով։
